ETOPAZ 
Rektor “Qarabağ”ı Qarabağ Universitetinə dəvət edib
Qarabağ Universitetinin rektoru “Qarabağ” Futbol Klubunun qonağı olub. Premyer Liqanın XXIX turu çərçivəsində keçirilən “Qarabağ” – “Zirə” oyununu izləyənlər arasında Qarabağ Universitetinin rektoru Şahin Bayramov da olub.
Qarşılaşma zamanı klubun prezidenti Tahir Gözellə rektor arasında səmimi fikir mübadiləsi aparılıb. Şahin Bayramov “Qarabağ” Futbol Klubunu Qarabağ Universitetinə dəvət edib.
Tahir Gözel bu dəvətə müsbət münasibət bildirib. O vurğulayıb ki, komandanın yaxın planlarında bölgəyə, o cümlədən Xankəndi və işğaldan azad edilmiş digər şəhərlərə səfəri nəzərdə tutulur: “Bu təşəbbüsü yüksək qiymətləndiririk. Qarabağ bölgəsinə səfər bizim də planlarımızda var və bu istiqamətdə addımlar atmağa hazırıq”.
Qeyd edək ki, görüş zamanı tərəflər gələcək əməkdaşlıq imkanlarını da müzakirə ediblər.
