ETOPAZ 
Rekordun bir addımlığında
Fransa millisinin rəsmi oyunlardakı məğlubiyyətsiz oyunlar seriyası 26-ya çatıb. Didye Deşamın yetirmələri DÇ-2022-nin seçmə mərhələsində Qazaxıstana 8:0 hesabı ilə qalib gəlib.
“Üçrənglilər” bu matçlarda 18 qələbə qazanıb və 8 heç-heçə edib. Penaltilər seriyasının nəzərə alınmadığı bu uğurlu oyunlar ardıcıllığı yığma tarixində ikincidir.
Fransa millisinin rekordu 27 matça bərabərdir. 1994-cü ilin sentyabrından 1999-cu ilin martına qədər olan dövrdə yığma 27 məğlubiyyətsiz görüş keçirib. Noyabrın 16-da Finlandiya ilə qarşılaşacaq Deşamın yetirmələri uduzmasa, rekordunu təkrarlayacaq.
