“Real”dan “El Klasiko” qələbəsi

“Real”dan “El Klasiko” qələbəsi

İspaniya La Liqasında növbəti “El Klasiko” keçirilib. “Real”la “Barselona” IX turda üz-üzə gəlib.

Çempionatın şərikli liderləri “Santyaqo Bernabeu”da qarşılaşıb. Oyun erkən qolla başlayıb. Kərim Benzema 12-ci dəqiqədə “Barselona”nı məyus edib.

Fasiləyə 10 dəqiqə qalmış “Real” fərqi artırıb. Bu dəfə Federiko Valverde fərqlənib. Qonaqlar Ferran Torresin 83-cü dəqiqədəki qolu fərqi azaltsa da, məğlubiyyətdən qaça bilməyib. Rodriqo uzatma dəqiqələrindəki penalti ilə matçda son nöqtəni qoyub. “Real” 3:1 hesablı qələbə ilə vahid liderliyi ələ keçirib.

Qeyd edək ki, 9 turdan sonra “Real” 25 xalla 1-ci, “Barselona” 22 xalla 2-ci pillədə qərarlaşıb.