ETOPAZ 
Ranqnik “Mançester Yunayted”də
İngiltərənin “Mançester Yunayted” klubunda baş məşqçi təyinatı rəsmiləşib. Bunu Premyer Liqa təmsilçisinin mətbuat xidməti açıqlayıb.
Ralf Ranqnik mövsümün sonunadək komandanın baş məşqçisi təyin olunub. 63 yaşlı almaniyalı mütəxəssis müqaviləsi bitdikdən sonra daha iki il klubda məsləhətçi kimi çalışacaq. Ranqnik işçi vizası alana qədər komandaya Maykl Karrik rəhbərlik edəcək.
Qeyd edək ki, Karrik baş məşqçi Ole-Qunnar Sulşerin istefasından sonra bu vəzifəni icra edir.
