ETOPAZ 
Qvardiolanın Gündoğan planı
Pep Qvardiola İlkay Gündoğanın “Mançester Siti”də qalmasını istəyir. İspaniyalı mütəxəssis bunu FA kubokundakı qələbədən sonra dilə gətirib.
“Mançester Yunayted”ə 2:1 hesabı ilə qalib gələn “şəhərlilər”in hər iki qolunun müəllifi məhz Gündoğan olub. Qvardiola klub rəhbərliyinin yeni müqavilə üzərində işlədiyini qeyd edib: “Biz İlkayla qonşuyuq. O, uzun illərdir ən yaxın dostumdur. Gündoğan düşüncələrimi əla anlayır. Direktor Begiristayn yeni müqavilə üzərində işləyir. İlkay əla mövsüm keçirir”.
