Qvardiolanın 250-ci qələbəsi

Qvardiolanın 250-ci qələbəsi

İngiltərə Premyer Liqasında növbəti qarşılaşmalar baş tutub. “Mançester Siti” “Brayton”la üz-üzə gəlib. Görüş “şəhərlilər”in baş məşqçisi Pep Qvardiola üçün əlamətdar olub.

İspaniyalı mütəxəssis matçda yubileyini qeyd edib. O, “Mançester Siti”nin baş məşqçisi kimi 250-ci qələbəsini qazanıb.

Bu görüşdə mançesterlilər 3:0 hesabı ilə qalib gəlib. Qvardiola komandadakı 344-cü sınağında 250-yə çatıb.

Bu, İngiltərə yüksək liqa klublarının məşqçiləri üçün rekord göstəricidir. Joze Mourinyo 250-ci qələbəsini 396-cı, Kenni Dalqliş 429-cu, Arsen Venger 433-cü, Don Revi 439-cu oyununda əldə edib.