ETOPAZ 
Qurban Qurbanov: “Hələ komandamız tam optimal formasından uzaqdır”
Sabah Çempionlar Liqasında 1-ci təsnifat mərhələsinə yekun vurulacaq. Təmsilçimiz “Qarabağ” cavab görüşündə “Linkoln Red İmps”i qəbul edəcək.
Oyundan öncə ağdamlıların çalışdırıcısı Qurban Qurbanovun mətbuat konfransı keçirilib. Sizi mütəxəssisin fikirləri ilə tanış edirik:
“İlk oyunumuzu oynadıq. Səfərdə 2:1 hesabı ilə qalib gəldik. Heç də asan olmadı bizə. Hələ komandamız tam optimal formasından uzaqdır. Deməzdim ki, komanda tam istədiyim dinamikanı meydanda göstərir. Amma hazırlığımız yaxşı gedir. Ciddi yanaşırıq matça. Sabah bizi meydanda ciddi müdafiə olunan rəqib gözləyir. Bəzi elementlər var, onlara diqqət ayıracağıq. Futbolçularıma inanıram, güvənirəm. Yaxşı nəticə göstərmək istəyirik”.
