ETOPAZ 
Qurban Qurbanov: “Evdə bundan daha yaxşı mübarizə aparacağıq”
UEFA Avropa Konfrans Liqasının “Marsel”lə görüşündən sonra “Qarabağ”ın baş məşqçisi Qurban Qurbanovun mətbuat konfransı keçirilib. 50 yaşlı çalışdırıcı matç barədə fikirlərini bildirib:
“Layiqli oyun göstərməyə çalışdıq və bunu bacardıq. Dünən də bildirmişdim ki, “Marsel”in yaxşı baş məşqçisi və fərdi keyfiyyətləri yüksək olan futbolçuları var. Məni ən çox narahat edən məqam rəqibin ustalıq səviyyəsi idi. Bu gün bəlkə də bu elementlərə görə uduzduq. Amma komandamın oyunundan tam razı qaldım. Bəzi diqqətsizliklər oldu ki, bu da belə komandaya qarşı matçda normaldır. Səfərdə çıxış etməyimizə baxmayaraq, çox yaxşı oyun göstərdik. Evdə bundan daha yaxşı mübarizə aparacağıq. Çünki rəqibi yaxından tanıyırıq. Bakıda azarkeşlərimizi yaxşı oyunla həyəcanlandırmaq istəyirik”.
