Qurban Qurbanov: “Böyümək üçün belə rəqiblərlə oynamaq fürsətdir”

Qurban Qurbanov: “Böyümək üçün belə rəqiblərlə oynamaq fürsətdir”

Konfrans Liqasında pley-off mərhələsinə start verilib. “Qarabağ” “Gent”i məğlub edib – 1:0.

Oyundan sonra təmsilçimizin baş məşqçisi Qurban Qurbanovun mətbuat konfransı keçirilib. Sizi mütəxəssisin fikirləri ilə tanış edirik:

“Futbolçularıma təşəkkür edirəm. Nəticə öz yerində, sona kimi meydanda mübarizə aparan komanda görmək istəyirdim. Bunu gördüm. Buna görə onlara təşəkkür etdim. Azarkeşlərimiz bu soyuq havada yanımızda idi. Onlara təşəkkür edirəm. Pley-offda ilk qələbəmizi qazandıq. Bu, gələcək üçün çox önəmli idi. Hətta ikinci oyunun nəticəsindən asılı olmayaraq. Çox möhkəm komandaya qarşı oynayırdıq. Belə rəqiblərlə mübarizə aparmaq mənim üçün həmişə xoş olub. Meydanda nə etmək istədiklərini yaxşı bilir, sürətli oynayırdılar. Böyümək üçün belə rəqiblərlə oynamaq fürsətdir. Bu şansdan istifadə etdik. Sona kimi duruş gətirə biliriksə, futbolçularda inam yaranır. Klubun böyüməsi üçün önəmli oyun idi. Cavab matçı var. Bu görüşü analiz edib, hazırlaşmağa çalışacağıq”.