ETOPAZ 
Qurban Qurbanov: “Ən çox mübarizə apardığımız matç oldu”
“Qarabağ” Çempionlar Liqasının III təsnifat mərhələsinin ilk oyununda “Ferensvaroş”u qəbul edib. Macarıstan təmsilçisi ilə matç 1:1 hesabı ilə başa çatıb.
Görüşdən sonra Ağdam klubunun baş məşqçisi Qurban Qurbanovun mətbuat konfransı keçirilib. 50 yaşlı mütəxəssis oyun barədə fikirlərini açıqlayıb: “Çox gərgin, maraqlı oyun oldu. Dünən də demişdim ki, topla yaxşı davranan komandaya qarşı oynayacağıq. Həm müdafiədə, həm də hücumda bunu bacarırlar. Get-gedə oyunu ələ ala bildik. Ən çox mübarizə apardığımız matç oldu. Hər şey cavab oyununda bilinəcək. Bu istək və əzmlə çalışacağıq. Ələ düşən şanslardan yararlanmağa çalışacağıq ki, bu mərhələni keçək. Möhtəşəm azarkeşlərimizə də təşəkkür edirəm”.
