ETOPAZ 
“Qolden Steyt”in Mark Qazol planı
İspaniyalı basketbolçu Mark Qazol yenidən NBA-da çıxış edə bilər. Hazırda klubsuz olan oyunçunun mövsümün gedişində “Qolden Steyt”ə qoşulacağı gözlənilir.
O, komandanın baş məşqçisi Stiv Kerrin oyun planlarına daxildir. Mütəxəssis də ispaniyalını sərəncamında görmək istəyir.
Qazol avstraliyalı Endryu Boqutun yerinə yetirdiyi funksiyaları üzərinə götürə biləcək basketbolçudur. Boqut 2019-cu ilin martından “Uorriers”də çıxış edir.
Qazol hazırda azad agent statusuna malikdir. O, “Leykers” və “Memfis” arasında oyunçu dəyişikliyindən sonra klubsuz qalıb.
