ETOPAZ 
Qarşısıalınmaz Sobolenko
Mövsümün “Böyük dəbilqə” turnirlərində ən çox eys edən qadın tennisçilərin siyahısı açıqlanıb. Cədvələ Arina Soboloneko başçılıq edir.
Dünyanın birinci raketkası dörd turnirdə keçirdiyi 26 matçda 144 dəfə topu oyuna daxil edərkən qarşısıalınmaz olub. Belaruslunun orta göstəricisi 5,5-dir.
Qazaxıstanlı Yelena Rıbakina 16 görüşdə 106 dəfə fərqlənib. Onun orta nəticəsi 6,6-ya bərabərdir.
İlk “üçlüy”ü Ons Jaber qapayır. Tunisli tennisçi 18 qarşılaşmada 72 eysə imza atıb. O, hər matçda orta hesabla 4 dəfə fərqlənə bilib.
Qeyd edək ki, bu həftə reytinqin liderliyinə yüksələn Arina bunu bacaran 29-cu qadın tennisçidir.
