ETOPAZ 
“Qarabağ”ın oyununda 5 qol
“Qarabağ” avrokuboklarda növbəti oyununu keçirib. Azərbaycan çempionu Avropa Liqasının Liqa mərhələsinin 5-ci turunun matçına çıxıb.
Ağdam klubu Fransa təmsilçisi “Lion”la görüşüb. Qarşılaşma Tofiq Bəhramov adına Respublika stadionunda keçirilib.
Qurban Qurbanovun yetirmələri görüşə daha fəal başlasalar da, hesabı qonaqlar açıblar. Jorj Mikautadze 15-ci dəqiqədə erkən qol müəllifi olub. Daha çox hücum edən “Qarabağ” oyunda dönüş yarada bilməyib.
İkinci hissədə də ssenari dəyişməyib. Daha çox hücum edən “Qarabağ” fasilədən sonra qapısıdnda 3 qol görüb. Təmsilçimiz bu toplardan birinin əvəzini çıxa bilib. Juninyonun penalisi qolla nəticələnib – 1:4.
Beləliklə, “Qarabağ” Liqa mərhələsində 4-cü məğlubiyyətini alıb. Ağdam klubu keçirdiyi 5 oyunda 3 xal toplayıb.
