ETOPAZ 
“Qarabağ”dan qələbə
Azərbaycan Premyer Liqasında 29-cu tura yekun vurulub. “Qarabağ” “Kəpəz”i qəbul edib.
“Azersun Arena”da baş tutan qarşılaşma meydan sahiblərinin üstünlüyü ilə başlayıb. Abdullah Zubir hesabı açıb. Qoldan sonra qonaqlar matçda dönüş yaradıb. Yeqor Xvalko künc zərbəsindən sonra topu qapıya göndərib. Lakin ikinci hissə tam olaraq “Qarabağ”ın üstünlüyü ilə keçib. Riçard Almeyda penaltini dəqiq yerinə yetiribsə, Leandro Andrade uzaqdan zərbə ilə adını tabloya yazdırıb – 3:1.
