ETOPAZ 
“Qarabağ”a çempionluq kuboku təqdim olundu
Azərbaycan Premyer Liqasının 2024/25 mövsümünün çempionunun mükafatlandırma mərasimi keçirilib. “Qarabağ”ın təltif olunduğu tədbir “Azersun Arena”da baş tutub.
Mükafatlar XXXV turun “Qarabağ” – “Kəpəz” oyunundan (3:0) sonra təqdim edilib. Ardıcıl 4-cü, tarixində 12-ci dəfə olan Ağdam klubu mükafatlarını alıb.
Mükafatlandırma mərasimində “Qarabağ”ın prezidenti Tahir Gözel, AFFA-nın icraçı vitse-prezidenti Sərxan Hacıyev, baş katibi Cahangir Fərəcullayev və Peşəkar Futbol Liqasının texniki-idman direktoru Elgiz Abbasov iştirak ediblər. Öncə klubun üzvlərinə, texniki heyətə, məşqçilərə və futbolçulara qızıl medallar verilib. Ardınca “Qarabağ”a çempionluq kuboku təqdim olunub.
Qeyd edək ki, “Qarabağ” XXXII turda – çempionatın sonuna 4 tur qalmış 1-ci yeri təmin edib.
