ETOPAZ 
“Qarabağ” Şeydayevin qolu ilə qalib gəldi
Azərbaycan Premyer Liqasında XI tura start verilib. Milli komandaların oyunları ilə əlaqədar fasilədən sonra ilk qarşılaşma “Azersun Arena”da baş tutub.
Çempionatın lideri “Qarabağ” öz meydanında “Keşlə”ni qəbul edib. Görüş Ağdam klubunun üstünlüyü ilə keçib. Matçın taleyini bir qol həll edib. Ramil Şeydayevin 49-cu dəqiqədə vurduğu top “Qarabağ”a 1:0 hesablı qələbə qazandırıb.
Bununla da “Qarabağ” xal hesabını 26-ya çatdıraraq 1-ci pillədəki mövqeyini möhkəmlədib. “Keşlə” isə 10 xalla 6-cıdır.
Qeyd edək ki, sabah “Zirə” – “Səbail”, “Neftçi” – “Sabah”, ertəsi gün “Qəbələ” – “Sumqayıt” qarşılaşmaları keçiriləcək.
