ETOPAZ 
“Qarabağ” qış çempionu oldu
Azərbaycan Premyer Liqasında XIII tura start verilib. İlk oyun günündə iki matç baş tutub.
Məhsuldar gün autsayderlərin dueli ilə başlayıb. “Keşlə” və “Səbail”in matçında 4 qol vurulsa da, qalib müəyyənləşməyib – 2:2.
Çempionatın lideri “Qarabağ” öz meydanında “Sabah”ı sınağa çəkib. 5:1 hesablı qələbə qazanan Qurban Qurbanovun yetirmələri liderliyini möhkəmlədib. Bununla da Ağdam təmsilçisi qış çempionluğunu da təmin edib.
Qeyd edək ki, tura sabah yekun vurulacaq. “Neftçi” “Sumqayıt”ı, “Zirə” “Qəbələ”ni qəbul edəcək.
