ETOPAZ 
PSJ yeddi futbolçusunu satır
PSJ qarşıdakı iki transfer pəncərəsində futbolçularının satışından ən azı 100 milyon avro qazanmalıdır. Fransa klubu 2022-ci ilin iyununa qədər büdcəsinə bu qədər vəsait əlavə etməlidir.
Parislilər bunu bacarmasa, maliyyə feyr-pleyi normalarından kənar qalacaq. Onda maliyyə defisitini klubun sahibi “Qatar Sports İnvestments” doldurmalı olacaq.
Məhz bu səbəbdən PSJ satacağı oyunçuların siyahısını müəyyənləşdirib. Burada 7 futbolçunun adı var. Qapıçı Serxio Riko, müdafiəçilər Leven Kurzava, Tilo Kerer, Abdu Diallo, yarımmüdafiəçilər Rafinya, Yulian Dreksler və hücumçu Mauro İkardinin satılması planlaşdırılır.
