ETOPAZ 
Potter ikinci oldu
“Çelsi” cari mövsüm Çempionlar Liqasında Qrem Potterin rəhbərliyi altında 5-ci qələbəsini qazanıb. London klubu 1/8 finalda Dortmund “Borussiya”sını 2:0 hesabı ilə məğlub edib.
Evdəki cavab görüşünədək 47 yaşlı mütəxəssisin yetirmələri “Milan”ı iki (3:0, 2:0), “Zalsburq”la Zaqreb “Dinamo”sunu bir (hər ikisini 2:1) dəfə üstələyib. Potter Çempionlar Liqasında mövsüm ərzində 5 qələbə qazanan ikinci ingiltərəli mütəxəssis olub.
Onadək yalnız Bobbi Robson bunu bacarıb. 2002/03 mövsümündə “Nyukasl” mütəxəssisin rəhbərliyi altında bu qədər qələbə qazanıb.
