ETOPAZ 
Paris-2024-də ikinci qızıl medal
Azərbaycan millisi Paris-2024 Yay Olimpiya Oyunlarında daha bir medal qazanıb. Cüdoçumuz Zelim Kotsoyev Olimpiadanın çempionu olub.
100 kq çəkidə çıxış edən idmançımız bütün rəqiblərinə qalib gəlib. Mübarizəyə 1/8 finaldan başlayan Kotsoyev 4 qələbə ilə olimpiya qızılını qazanıb.
Bu, Azərbaycan idmançılarının Parisdə ikinci qızılıdır. Üç gün əvvəl cüdoçu Hidayət Heydərov (73 kq) olimpiya çempionu tituluna yiyələnib.
