ETOPAZ 
Osimhen “Milan”a qarşı oynamayacaq
“Napoli” ciddi itki ilə üzləşib. İtaliya klubu hücumçusu Viktor Osimhenin xidmətindən məhrum olub.
Bunu Neapol təmsilçisinin mətbuat xidməti açıqlayıb. Nigeriyalı hücumçu A seriyasının 28-ci turunun “Milan”la matçını buraxacaq. Bu görüş aprelin 2-də keçiriləcək.
Osimhenin əzələ problemi yaranıb. Bir həftədən sonra forvard yenidən müayinə olunacaq.
Qeyd edək ki, Osimhen A seriyasında cari mövsümün 23 matçında 21 qol vurub.
