e-Topaz 
Osaka qələbə ilə qayıtdı
Dünyanın sabiq birinci raketkası Naomi Osaka təxminən 4 aylıq fasilədən sonra korta çıxıb. “Böyük dəbilqə” turnirlərinin dördqat çempionu Melburndakı yarışa start verib.
Yaponiyalı birinci mərhələdə Alize Korne ilə görüşüb. Naomi 6:4, 3:6, 6:3 hesabı ilə qalib gəlib.
Bu, Osakanın “US Open”dən sonra ilk sınağı olub. O, psixoloji problemlər üzündən ötən mövsümün sonunu buraxıb.
