ETOPAZ 
“Olimpiakos”un futbolçusu həbs olundu
Yunanıstanın “Olimpiakos” klubunun futbolçusu Ruben Semedu həbs olunub. Portuqaliyalı müdafiəçi 17 yaşlı qızı zorlamaqda ittiham edilir. Polis bölməsinə anası ilə birlikdə yollanan zərərçəkən Rubendən şikayət edib. O bildirib ki, futbolçu ilə barda tanış olub. Semedu ona alkoqol içkilərə qonaq etdikdən sonra evinə aparıb.
Bu, 2019-cu ildən “Olimpiakos”da çıxış edən futbolçunun ilk cinayəti deyil. O, İspaniyada oynadığı vaxt qarət, insan oğurluğu və silah saxlamağa görə 5 ay həbsdə olub. Onun İspaniyaya girişinə 8 illik qadağa qoyulub.
