ETOPAZ 
Neymardan 400-cü qol
PSJ-nin futbolçusu Neymar Fransa Liqa1-in “Bordo” ilə oyununda dubla imza atıb. 3:2 hesablı qələbədə pay sahibi olan braziliyalı hücumçu karyerasında 400-cü qolu vurub.
29 yaşlı forvard matçdakı ikinci qolu ilə bu rəqəmi 401-ə çatdırıb. O, “Santos”da 136, “Barselona”da 105, PSJ-də 90, Braziliya millisində 70 dəfə fərqlənib.
Paris təmsilçisində 90 qola sevinən Neymar klub tarixində 8-ci bombardir olub. O, 89 dəfə fərqlənən Anxel di Mariyanı arxada qoyub. Rekord Edinson Kavaniyə məxsusdur – 200 qol. Zlatan İbrahimoviç (156), Kilian Mbappe (139), Pauleta (109), Dominik Roşto (100), Mustafa Daleb (98) və Fransua Mpele (95) də Neymarı qabaqlayır.
