ETOPAZ 
Neymar Pelenin rekordunu qırmaq istəyir
PSJ-nin hücumçusu Neymar Braziliya yığmasında ən çox qol vuran Pelenin rekordunu qırmaq istəyir. 30 yaşlı futbolçu verdiyi müsahibədə bu barədə danışıb.
O, rekorda ümid etdiyini gizləməyib:
“Milli komandanın bombardiri olmaq mənim üçün böyük şərəf olardı. Bunu düşünmürəm desəm yalan olar.
Təbii ki, bu mənim şəxsi məqsədlərimdən biridir və çatacağıma ümid edirəm. Pelenin rekordunu qıra bilərəm. O, Braziliyada hamı üçün kumirdir”.
Qeyd edək ki, Pele 1957-1971-ci illərdə Braziliya yığmasında çıxış edib. O, millinin heyətində 92 oyunda 77 qol vurub.
