ETOPAZ 
“Neftçi”dən ev qələbəsi
Azərbaycan Premyer Liqasında XIV tur davam edir. Bu gün daha bir matç baş tutub.
“Neftçi” “Zirə”ni qəbul edib. Görüş meydan sahiblərinin üstünlüyü ilə başlayıb. Hesabı da məhz “ağ-qaralar” açıb. Filip Ozobiç fərqlənib. Lakin qonaqlar ikinci yarıda hesabı bərabərləşdirməyi bacarıb. İssa Cibrila adını tabloya yazdırıb. Buna baxmayaraq, “Neftçi” Emil Səfərovun qolu ilə qələbə qazanıb – 2:1.
Qeyd edək ki, tura sabah yekun vurulacaq.
