ETOPAZ 
“Neftçi” və “Sabah”dan qələbə
Azərbaycan Premyer Liqasında 1-ci turun oyunları keçirilir. Turun ikinci oyun günündə “Neftçi” “Şamaxı”nın, “Sumqayıt” isə “Sabah”ın qonağı olub.
Şamaxıda keçirilən görüşə “ağ-qaralar” fəal başlayıb. Ardından meydan sahibləri oyunu bərabərləşdirib. Komandaların səylərinə baxmayaraq ilk hissədə hesab açılmayıb. Görüşün taleyini bir qol həll edib. Meydana sonradan çıxan Emin Mahmudov qələbə topunu vurub – 1:0.
Günün digər matçında “Sabah” “Sumqayıt”ı qəbul edib. Paytaxt təmsilçisinin üstünlüyü ilə keçən ilk yarıda meydan sahibləri hesabı açmağa da nail olub. Anatoli Nuriyev fərqlənib – 1:0. İkinci hissə də eyni ssenari ilə davam edib. Öncə Coy Lens Mikels, ardınca Kristian Sebalyos adlarını tabloya yazdırıblar – 3:0.
Qeyd edək ki, tura yekun vurulacaq. Son matçda “Turan” “Qəbələ”ni qəbul edəcək.
