“Neftçi” qələbə ilə 2-ci pilləyə yüksəldi

“Neftçi” qələbə ilə 2-ci pilləyə yüksəldi

Azərbaycan Premyer Liqasında 20-ci tura yekun vurulub. “Neftçi” “Qəbələ”ni qəbul edib.

Görüş qarşılıqlı hücumlarla başlayıb. İlk hissədə hesab açılmayıb. İkinci yarı isə məhsuldar alınıb. 59-cu dəqiqədə Zurab Oçiqava rəqibin qarşısını kobudluqla kəsdiyi üçün qırmızı vərəqə ilə oyundan kənarlaşdırılıb. Təyin edilən penaltini Emin Mahmudov dəqiq yerinə yetirib. 6 dəqiqə sonra Dieqo Valdez baxımlı qolla hesabı 2:0-a çatdırıb. Qonaqların gücü isə yalnız fərqi minimuma endirməyə çatıb. Emil Səfərov adını tabloya yazdırıb. Matçda son nöqtəni isə “Neftçi”nin yeni transferi Brayan Moreno qoyub – 3:1.

Bu qələbə ilə “Neftçi” xallarının sayını 32-yə çatdıraraq 2-ci pilləyə yüksəlib.