ETOPAZ 
“Neftçi” 2-ci pillədə, “Sumqayıt”dan eniş
Azərbaycan Premyer Liqasında 35-ci tur davam edir. Bu gün daha 3 matç baş tutub.
Avrokubokları hədəfləyən komandaların oyunları eyni saatda başlayıb. “Səbail” “Neftçi”ni qəbul edib. Görüş qonaqların 3:0 hesablı qələbəsi ilə nəticələnib. Komandanın qollarına Brayan Moreno, Ataa Caber və Qara Qarayev imza atıb.
Turun mərkəzi oyununda “Sabah” “Sumqayıt”la üz-üzə gəlib. “Bayquşlar” Murad Xaçayevin avtoqolu və Anatoli Nuriyevin qolu ilə qələbə qazanıb – 2:0.
“Zirə” isə “Kəpəz”in qonağı olub. Qarşılaşmanın taleyini bir qol həll edib. Salifu Suma “qartallar”a qələbə qazandırıb.
Bununla da, “Neftçi” 2-ci, “Zirə” 3-cü, “Sabah” isə 4-cü pilləyə yüksəlib. Avrokubok şansları davam edən “Sumqayıt” isə sonuncudan 1 xal geri qalır.
