ETOPAZ 
NBA-da yeni rekord
Kiqan Mürrey NBA-nın tarixinə düşüb. “Sakramento”nun basketbolçusu debüt mövsümündə hamıdan çox üçxallıq atış müəllifi olub.
22 yaşlı oyunçu “Portlend”lə qarşılaşmada (120:80) yeddi cəhddən üçündə dəqiq olub. Hücumçu mövsüm ərzindəki dəqiq atışlarını 188-ə çatdırıb. O, Donovan Mitçellin rekordunu keçib. Hazırda “Klivlend”də oynayan sonuncu “Yuta”da oynadığı 2017/18 mövsümündə 187 belə atışa imza atıb.
