ETOPAZ 
Nadal 129-cu dəfə həlledici görüşdə
Rafael Nadal Daniil Medvedevə qalib gələrək (6:3, 6:3) Akapulkoda 5-ci dəfə finala yüksəlib. İspan raketka ustası karyerasında 129-cu, 2022-ci ildə üçüncü dəfə ATP-nin həlledici görüşünə vəsiqə qazanıb.
Tennisçi üçün bu, ardıcıl 14-cü qələbədir. O, karyerasında mövsümə ən yaxşı startı verib və 14 görüşün hamısında qalib gəlib.
Medvedevlə şəxsi görüşlərdə Nadal 5:1 önə keçib. Finalda onun rəqibi Kemeron Norri olacaq.
