ETOPAZ 
Muslera mövsümü bitirdi
“Qalatasaray” kapitanı Fernando Musleranı itirib. Təcrübəli qapıçı Türkiyə Super Liqasının 16-cı turunda “Sivasspor”la (0:1) səfər matçında ağır zədə alıb.
84-cü dəqiqədə əvəzlənən Uruqvay millisinin qolkiperinin sol diz iç yan bağlarında yırtıq aşkarlanıb. Həmçinin ön çarpaz bağları da xəsarət alıb. Bu səbəbdən Musleranın mövsümü başa vurduğu açıqlanıb.
Qeyd edək ki, “Qalatasaray” hazırda 23 xalla 9-cu pillədə qərarlaşır.
