ETOPAZ 
Mundialın 4-cü iştirakçısı
DÇ-2022-nin daha bir iştirakçısı bəlli olub. Braziliya Qətərdəki mundiala vəsiqə qazanıb.
Titenin yetirmələri bu hüquqa Cənubi Amerika zonası üzrə seçmə mərhələnin XIII turunda yiyələnib. Öz meydanında Kolumbiya üzərində 1:0 hesablı qələbə qazanan “sambaçılar” ilk “dördlük”də yerini təmin edib. Hazırda 34 xalla turnir cədvəlinə başçılıq edən Braziliya 5-ci sıradakı Kolumbiyanı 18 xal qabaqlayır.
Braziliyalılar final mərhələsinə vəsiqəni təmin edən ilk Cənubi Amerika komandası olub. Ümumilikdə isə Qətərdə iştirakı dəqiqləşən yığmaların sayı 4-ə çatıb. Meydan sahibləri birbaşa vəsiqə qazanıbsa, Almaniya, Danimarka və Braziliya seçmə mərhələdən mundiala yüksəlib.
