ETOPAZ 
Mundiala 15-ci vəsiqə
Bu il Qətərdə keçiriləcək dünya çempionatının daha bir iştirakçısı müəyyənləşib. Asiya zonası üzrə seçmə mərhələnin A qrupunun VIII turunda Suriya üzərində səfər qələbəsi qazanan Cənubi Koreya millisi mundialın final mərhələsində oynamaq hüququ əldə edib.
Səfərdə 2:0 hesablı qələbə qazanan Paulo Bentonun yetirmələri xallarının sayını 20-yə çatdıraraq, lider İranla birlikdə qrup səddini aşmağı təmin edib. Sona 2 tur qalmış hər iki komanda rəqibləri üçün əlçatmazdır.
Bununla da 21 noyabr – 18 dekabrda keçiriləcək dünya çempionatının iştirakçı sayı bununla 15-ə çatıb.
Qeyd edək ki, meydan sahibi Qətərin birbaşa qatılacağı mundiala Almaniya, Danimarka, Braziliya, Fransa, Belçika, Xorvatiya, İspaniya, Serbiya, İngiltərə, İsveçrə, Niderland, Argentina, İran və Cənubi Koreya yığmaları vəsiqə qazanıb.
