ETOPAZ 
Mourinyo cəzalandırıldı
Türkiyə kubokunun 1/4 final mərhələsində “Fənərbaxça” öz meydanında “Qalatasaray”a 1:2 hesabı ilə məğlub olub. Oyundan sonra baş verən mübahisələrə görə “sarı-lacivərdlilər”in baş məşqçisi Joze Mourinyo, oyunçuları – Fred, Mert Hakan Yandaş və texniki heyətdən Zufic və Foti qırmızı vərəqə ilə cəzalandırılıb.
Mourinyo və Mert Hakan Yandaş intizam qaydasının 44-cü maddəsinə, Foti və Fred 41-ci maddəsinə, Zufic isə 36-cı maddəsinə əsasən Nizam-İntizam Komitəsinə (PFDK) verilib.
Futbol İntizam Qaydalarının 44-cü maddəsinə əsasən Mourinyonun, Mert Hakan Yandaşın 5-10 oyun, Fred və Fotinin 2-5 oyun, Zuficin isə 1-3 oyun cəza alacağı gözlənilir.
Buna görə Mourinyo, Fred, Mert Hakan Yandaş, Zufic və Foti bazar günü “Trabzonspor”la keçiriləcək derbidə ehtiyat oyunçular skamyasında yer ala bilməyəcək.
