ETOPAZ 
Modriçdən yeni rekord
Luka Modriç titul rekordunu təzələyib. 39 yaşlı yarımmüdafiəçi “Real”ın heyətində 28-ci mükafatına yiyələnib.
“Real” bu gün Qitələrarası kubokunun finalında “Paçuka”ya 3:0 hesabı ilə qalib gəlib. Modriç görüşün 70-ci dəqiqəsində meydana daxil olmaq şansı qazanıb.
Luka klubun ən titullu futbolçusu ünvanını qoruyub. O, bu siyahıda Dani Karvahal (27 titul), Naço (26), Marselo (25) və Karim Benzemanı (25) qabaqlayır.
Qeyd edək ki, Modriç 2012-ci ildən “Real”ın şərəfini qoruyur.
