ETOPAZ 
“Milan”dan rekord: 12 oyunda 32 xal
“Milan” İtaliya A seriyasının XII turunda “İnter”lə qarşılaşıb. 1:1 hesablı heç-heçə ilə kifayətlənən Stefano Piolinin yetirmələri mövsümdə ikinci dəfə xal itirib.
“Rossonyeri”nin hesabında 10 qələbə və 2 heç-heçə var. Milanın eyniadlı təmsilçisi bununla da özünün rekorduna imza atıb. Piolinin komandası qələbəyə görə üç xalın hesablandığı dövrdə ilk dəfə startdakı 12 turda 32 xal toplayıb.
Xatırladaq ki, turnir cədvəlində ikinci pillədə qərarlaşan “Milan” eyni xala malik “Napoli”dən əlavə göstəricilərə görə geri qalır.
