ETOPAZ 
Messidən növbəti rekord
“İnter Mayami”nin kapitanı Lionel Messi yeni rekorda imza atıb. 38 yaşlı futbolçu dünyanın ən çox məhsuldar ötürmə edən oyunçusu olub.
Təcrübəli hücumçu bunu MLS-in Şərq Konfransının pley-off mərhələsində “Nyu-York Siti” ilə final matçında (5:1) assist etməklə bacarıb.
Peşəkar karyerasında məhsuldar ötürmələrin sayını 405-ə çatdıran ulduz futbolçu macarıstanlı Ferens Puşkaşı geridə qoyaraq, bu nominasiya üzrə bütün zamanların ən yaxşısı olub.
