ETOPAZ 
Messidən daha bir göstərici
Argentina millisini kapitanı Lionel Messi ardıcıl 16-cı dəfə bir təqvim ilində 20 qol həddinə çatıb. Yamaykaya 3:0 hesabı ilə qalib gəldikləri yoldaşlıq görüşündə dubl müəllifi olan 35 yaşlı superulduz builki ümumi qol sayını 21-ə çatdırıb.
PSJ-nin forvardı 2007-ci ildən bəri ardıcıl olaraq hər il minimum 20 qol vurmağı bacarıb. Leo 2006-2021-ci illərdə bu nailiyyəti göstərən portuqaliyalı Kriştiano Ronaldonun rekordunu təkrarlayıb. Ronaldo 2022-ci ildə 13 dəfə fərqlənib.
Bundan başqa, Messi bu il bütün yarışlarda ümumilikdə 20 məhsuldar ötürmə verib. O, karyerasında yeddinci dəfə bir ildə “qol+ötürmə” sistemində ən azı 20+20 xal toplayıb.
