ETOPAZ 
Medvedevdən ilk titul
“US Open” turniri başa çatıb. Kişilərin fərdi yarışlarının qalibi Danil Medvedev olub. Rusiyalı tennisçi finalda Novak Cokoviçə qalib gəlib – 6:4, 6:4, 6:4. Medvedev mövsümdə 4-cü, karyerasında 13-cü turnirdə qalib olub. Dünyanın ikinci raketkası “Böyük dəbilqə”də ilk titulunu qazanıb.
Bu il həm kişilərin, həm qadınların yarışının çempionu ilk dəfə bu səviyyəli yarışın qalibi olub. Qadınların turnirində qalib olan Emma Radukanu da karyerasında ilk dəfə “Böyük dəbilqə”də uğur əldə edib. Eyni turnirdə hər iki çempionun ilkə imza atmasına sonuncu dəfə 2004-cü ildə təsadüf olunub. “Rolan Qarros”da Qaston Qaudio və Anastasiya Mıskina çempionluq yaşayıb.
