ETOPAZ 
Medvedev yarımfinalda
Dünyanın ikinci raketkası Daniil Medvedev final turnirindəki son qrup matçında Yannik Sinnerə qalib gəlib – 6:0, 6:7, 7:6. Həlledici setdə o, tay-brekdə iki matç xalı qazanıb.
Ötən il Londonda keçirilən “ATP Finals”da qalib gələn rusiyalı, finallarda ardıcıl səkkizinci qələbəsini qazanıb. Bu, Novak Cokoviçin 2012-2015-ci illərdə ardıcıl 15 qələbə qazanmasından bəri ən uzun seriyadır.
Ümumilikdə Medvedev cari mövsümdə 57-ci qələbəsini qazanıb. O və Aleksandr Zverev bu göstəricidə liderliyi bölüşürlər.
Turnirin yarımfinalında Medvedev Andrey Rublev və ya Kasper Ruudla görüşəcək. Zverev isə Cokoviçlə qarşılaşacaq.
