ETOPAZ 
Mbappe milliyə çağırılmadı
Kilian Mbappe Fransa yığmasına dəvət almayıb. Baş məşqçi Didye Deşam “Real”ın hücumçusunu heyətdən kənarda qoyub.
UEFA Millətlər Liqasının oktyabr oyunları zamanı Mbappe zədəli olduğunu əsas gətirərək, Deşamdan onu yığmaya çağırmamasını xahiş etmişdi. Bundan sonra Madrid klubunun heyətində meydana çıxan Kilianın yığmanın oyunları zamanı əyləncə məkanlarında vaxt keçirdiyi xəbərləri yayılmışdı. Görünür ulduz futbolçunun davranışı ona baha başa gəlib.
Qeyd edək ki, Fransa yığması UEFA Millətlər Liqasında İsrail (14 noyabr) və İtaliya (17 noyabr) komandaları ilə qarşılaşacaq.
