ETOPAZ 
Mbappe İbrahimoviçə çatdı
PSJ-nin futbolçusu Kilian Mbappe Liqa 1-də “Sent Etyen”ə 3:1 hesabı ilə qalib gəldikləri 26-cı turun oyununda dubla imza atıb. 23 yaşlı hücumçu Paris təmsilçisində vurduğu qolların sayına görə Zlatan İbrahimoviçə çatıb.
İbrahimoviç və Mbappe PSJ-də 156 dəfə fərqləniblər. İsveçli forvard buna 180-ci, fransalı isə 205-ci görüşündə nail olub.
Uruqvaylı Edinson Kavani hər iki hücumçudan daha çox qol vurub. O, 301 qarşılaşmada 200 qolla yadda qalıb.
Qeyd edək ki, Kilian Mbappe 2017-ci ildən PSJ-də çıxış edir. İbrahimoviç 2012-2016, Kavani isə 2013-2020-ci illərdə paytaxt təmsilçisinin formasını geyinib.
