ETOPAZ 
“Masters”də ilk
Yan-Lennard Ştruff “Masters” turnirlərinin tarixinə düşüb. Almaniyalı tennisçi bu səviyyəli yarışların finalına yüksələn ilk lakı-luzerdir.
Ştruff bu uğura Madriddə imza atıb. O, yarımfinalda Aslan Karasyovla qarşılaşıb.
Almaniyalı bu görüşdə 4:6, 6:3, 6:4 hesabı ilə qalib gəlib. Turnirin təsnifat mərhələsində bu rəqibinə 4:6, 2:6 uduzan almaniyalı revanş ala bilib.
Karyerasında ikinci finalı oynayacaq Yan-Lennard bunadək 8 dəfə yarımfinalda uduzub. Titulu olmayan tennisçi həlledici matçda Karlos Alkarasla üz-üzə gələcək.
