ETOPAZ 
Marko Yankoviç: “Qarşılaşmaya tam hazırıq”
Sabah Avropa Liqasında qrup mərhələsinə start veriləcək. Təmsilçimiz “Qarabağ” da görüşünə çıxacaq.
Ağdamlılar Almaniyada “Frayburq”un qonağı olacaq. Oyundan öncə “köhlən atlar”ın futbolçusu Marko Yankoviç mətbuat konfransında iştirak edib. O, qarşılaşma barədə fikirlərini bildirib:
“Sabahkı oyunu həvəslə gözləyirik. Bu oyuna hazırıq. “Frayburq” Bundesliqanın lideridir. Onların oyunlarını izləmişik. Analiz etmişik. Artıq 8 oyun keçirmişik. Avropa təcrübəmiz var. Yaxşı oynamağa çalışacağıq. Bilirik ki, rəqib “Böyük beşlik” liqalarından birində liderdir. Bundan əlavə motivasiya lazım deyil. Qarşılaşmaya tam hazır və motivasiyalıyıq”.
