ETOPAZ 
İnsinye Maradonanı keçdi
A seriyasında liderlərin duelində “Napoli” “İnter”i qəbul edib. Neapoldakı qarşılaşma 1:1 hesabı ilə başa çatıb.
Meydan sahiblərinin qoluna penaltini dəqiq yerinə yetirən Lorenso İnsinye imza atıb. 30 yaşlı italiyalı “Napoli”nin heyətində 116-cı qolunu vurub.
O, bu göstəricidə əfsanəvi Dieqo Maradonanı arxada qoyub. Argentinalının 115 qolu var.
Qeyd edək ki, “Napoli”də yalnız iki futbolçu daha çox fərqlənib. Dris Mertens 144, Marek Hamşik 121 qola sevinib.
