ETOPAZ 
Maqomedov FİNALDA!
Paris-2024 Yay Olimpiya Oyunlarının taekvondo yarışları davam edir. Azərbaycan millisinin yeganə təmsilçisi Qaşım Maqomedov da mübarizəyə qoşulub.
İdmançımız 58 kq çəkidə ilk döyüşünü 1/8 finalda keçirib. Cek Uolleylə (İrlandiya) qarşılaşan taekvondoçumuz rəqibini 2:0 hesabı ilə məğlub edib və mərhələ adlayıb. Maqomedov ikinci döyüşündə ispaniyalı Adrian Visente ilə üz-üzə gəlib. Taekvondoçumuz yenə də dayanqdan qalib ayrılıb. O, rəqibini 2:0 hesabı ilə məğlub edərək yarımfinalda iştirak hüququ qazanıb. O, finala gedən yolda Vito Dell Akvila (İtaliya) ilə gücünü yoxlayıb. Olimpiya çempionu ilə qarşılaşma Qaşım üçün uğurlu olunub. Yığma üzvü bu görüşdə də rəqibə gücünü göstərərək 2:0 hesabı ilə qalib gəlib və finala vəsiqə qazanıb. O, çempionluq uğrunda cənubi koreyalı Park Tae-Junla qarşılaşacaq.
