ETOPAZ 
Mane transferi yekunlaşmaq üzrədir
“Liverpul”un hücumçusu Sadio Mane klubu dəyişir. O, “Bavariya”ya keçməyə yaxındır.
Seneqal millisinin forvardı Almaniya çempionu ilə şəxsi müqaviləni razılaşdırıb. Tərəflər arasında anlaşmaya əsasən, Mane münhenlilərlə 3 illik sözləşmə bağlayacaq. Artıq klublar arasındakı danışıqlar da son mərhələdədir. “Bavariya” bu transfer müqabilində ingilislərə 35+5 milyon avro təklif edib. 30 yaşlı oyunçu “Bavariya”ya keçmək istədiyindən, “Liverpul” bu keçidə mane olmayacaq.
Qeyd edək ki, Sadio Mane ötən mövsüm bütün turnirlərdə 50 oyuna çıxıb, 23 qol vurub, 2 məhsuldar ötürmə verib.
