ETOPAZ 
Mahrezdən rekord
Riyad Mahrez Premyer Liqanın rekorduna imza atıb. “Mançester Siti”nin yarımmüdafiəçisi ən çox assist müəllifi olan afrikalı adına yiyələnib.
Mahrez 29-cu turun “Liverpul”la görüşündə (4:1) qollardan birinin ötürməsini verib. Bu, onun 56-cı assisti olub.
32 yaşlı əlcəzairli Didye Droqbanın rekordunu arxada qoyub. “Çelsi”nin sabiq hücumçusu 55 qola ötürmə verib.
Qeyd edək ki, Mahrez 274 oyunda 82 qol da vurub.
