ETOPAZ 
“Liverpul” finalda
Çempionlar Liqasında yarımfinal mərhələsinin cavab oyunlarına start verilib. İlk finalçı “Vilyareal” – “Liverpul” qarşılaşmasında bəlli olub.
İngiltərədəki matçda 0:2 hesabı ilə uduzan İspaniya klubu cavab görüşünə fəal başlayıb. “Vilyarreal” ilk yarıda Boulaye Dia və Fransis Kokelinin qolları ilə ümumi hesabda tarazlıq yaradıb.
Lakin fasilədən sonra Yurgen Kloppun yetirmələri oyunda dönüş yaradaraq əzmkar qələbə qazanıb. Fabinyo, Luis Dias və Sadio Mane İngiltərə klubuna 3:2 hesablı qələbə qazandırıb.
“Liverpul”un finaldakı rəqibi bu gün baş tutacaq “Real” – “Mançester Siti” matçında bəlli olacaq. İngiltərədəki ilk görüşdə meydan sahibləri 4:3 hesabı ilə qalib gəlib.
